無錯！又係泰國！不過今次去新地方呀，除左曼谷仲會去清邁！清邁位於泰北，係古時泰國既首都，依家主要係靠旅遊業搵食，黎緊１０月又多左我地一行４人去消費消費喇！全個行程一共６日，４日清邁２日曼谷，成員有我、愛玲、世伯、伯友。呢個trip plan 左好耐，緣起係上年同左我爸媽去曼谷，愛玲又想孝順下帶世伯同伯友去玩，而清邁係其中一個佢地有興趣（睇得discovery 多）既目的地，所以就定左目標去清邁！本來上年已經有風聲話Airasia 會開HKG-CNX直航，點知最後都無落實，咁唯有經BKK轉機啦，又可以順便去埋BKK shopping & eat，日期方面由於當時愛玲未轉部門，所以老早就定左雙十節果個星期，仲係8.11.2010已經book 左HKG-CNX既機票，但後尾又因為轉部門，唔知個假期有無問題，一直等到今年Airasia 既６月份Big Sale，先決定去馬，訂埋BKK-CNX機票。
AirAsia
AirAsia Shuttle Bus
之前上網見人話係香港果邊AirAsia有時會要駁Shuttle 上機，點知我地今次係Shuttle 落機！第一次坐機場Shuttle 呢！我諗應該係因為到埗時間係當地成11點，機場為左環保(慳電費？！）已經關閉某Ｄ閘口，所以就出現左呢個安排。因為我地係坐機中間，落機後見到第一部Shuttle已經上左唔少人，所以決定影返張相，等第二部車～ 第一次企係停機坪吹風，冇咩感覺。。。水泥地一塊。。哈哈！！上左車我地坐左差唔多成個字先到閘口，其實只不過係由一邊wing U-turn 過去另一邊，不過如果行路就幾死。。。
入到去見到呢個好多石屎天花石屎牆既機場（歷Ｅ有冇留意到？），不禁再問一次。。。究竟真係design 定係當時唔夠錢起機場？？？急急腳去海關，今次過海關都幾慢下，唔多人排隊，但都要成廿分鐘先過得到呀！！不過好彩唔係等左好耐就拎到個好搶眼既行李喼！（好想買返個屬於我地既旅行喼呀！！貼貼貼晒我地去唔同地方既記錄^^"）
