試左文昌雞（order 左6件，佢黎左12件，淨Ｄ俾佢陰到），一件肉連火腿同肝一齊食，口感同味覺都唔錯，但好似無預期中既好。半打蝦餃。。。好搞笑，晚餐會有蝦餃依，但唔好食的，差過平時lunch 既酒樓囉。紫薑炒鴨肉，啖啖肉，正！但愛玲唔食紫薑。。。下次要睇清楚menu。仲有試左個文迷你東瓜”中”，當有啖湯都可以，唔知美心快餐果個好定佢好。。。。有機會要比較下。

總括黎講，呢間廣州酒家唔岩我地口味，唔係話難食，只係難有下一次囉。

食完飯行左一陣街食埋係上下九果間南信雙皮奶就回程返酒店，咩都無買呀，我同愛玲都唔係購物人士，只有食先有吸引力。。。。

今次北上目的地係即將舉辦亞運既五羊城，亦都算係我半個鄉下，此行唯一見的就係食！出發前一晚先通知屋企人，愛玲仲要講左個大話．．．

星期六先去TKW陪愛玲食左老牛家早餐再過CWB打第３針，然後就返九龍坐東鐵去羅湖轉和諧號直上廣州。唔覺唔覺原來都要成１點鐘先去到深圳，所以預早係上水出一出閘買左兩件cake留返一陣上和諧號食，呢個搭車方法都算係最方便既上廣州架喇，好過坐直通巴或者深圳轉大巴，但係張車飛加左價喇，依家已經要$80人仔，之前係$75人仔，計返要成舊水港幣！睇黎遲下真係唔敢上去消費。

和諧號由深圳去廣州只係大約70分鐘，時速百幾公里都開得好穩定，上去瞓一覺就落車，祖國鐵路真係發展得唔錯，雖然價格唔低，但都好多人坐呀，希望快ｄ起好高鐵，咁就可以兩日一夜都再去遠少少玩。2點半到達廣州東站，今次醒左，搵到佢直去地鐵既出口，不過東站都幾舊下喇，好多設施都below standard，政府幾時先肯翻新下佢？！

因為未食lunch既關係，我地首先去搵野食填肚，出發前資料搜集搵到間”炳勝”，出名野有刺身、脆皮叉燒、豆腐。我地坐人山人海既廣州地鐵去石牌橋站（體育西轉1號線），點知我帶錯路去D出口．．．行左好多樓梯上到地面先知出事！好彩睇返一早預備好既offline map先識得去返B出口！一來一回又用多十幾分鐘。千辛萬苦黎到炳勝門口，一入去都知出事，基本上飯市已經過左．．．大部分坐係度吹水等埋單。食坐睇果本好大既menu，有唔少都想試下，但得兩個人唔食得多，所以市只打算食ｄ出名野，點知叫果樣冇果樣，ｄ廚師落晒場，冇晒mood啦！但一場黎到又肚餓，點都要食ｄ野，最後試左生魚木耳湯、靈芝肉粒山水豆腐、白灼墨魚仔。

睇佢唔出幾樣野都唔錯呀，個湯好多木耳（上左菜先知愛玲唔食），飲落鮮甜，ｄ生魚好彈牙；豆腐就有色但無靈芝味，不過真係好滑，同食豆腐花差唔多架；墨魚仔都好大碟，最搞野係佢果碟醬油原來已經加左wasabi，但愛玲話膽固醇高，唔食咁多，所以都係我食多。呢餐埋單$114人仔，其實唔平架，但係香港未必食到呢個質素囉。

Treatment: MONONOKE version 3

Price: each person THB2,000 / 180min (after 50%discount)
Reservation Date: 25/11/2009
Reservation Time:14:30

第一次去做呢類treatment，但我同細妹出黎既感覺都幾一般，肯定唔會係愛上左果種，但抱住未試過又想試下既心態當然值得一試！兩個人玩足３個鐘都係HKD1000埋單，香港肯定唔到啦。不過下次都係淨做推油會比較岩我地。

未出發一早就send 左email 去book, 由於佢地位置唔近大路，所以提供左接送服務。2PM係ASOK BTS 果間Robinson Department Store既M記出面等專車黎接我地，司機幾靚仔，車入面好香，一上車已經聞得到。其實呢間野係一間小平房改建，估計老板真係賺死！以前睇過話Thai一個人都係搵萬幾Baht一個月，開呢Ｄspa １個客都洗幾千先出得返黎，真係好搵。

入到去會先換鞋同confirm package,  staff 會問你用咩aroma oil, 又會俾份form 你填下簡單資料同要求，我覺得Ｄ技師係主要睇力度果個item only。 等左一陣佢地執好房就可以先去閣樓洗腳，其實真係幾唔習慣比人洗對香腳。然後當然係入房上床搞野啦，過程如下：

Green Tea Body Scrub (30min) – 先黎個全身去死皮，真係咩它泥都比佢省走。。。一開始個幾下都有Ｄ痛，但慣左又做咩野。省完會俾時間我地沖個涼，但佢本身係磨沙玻璃，基本上Ｄ係會俾技師睇到自己沖，feel not good!

 Plai Clay Body Pack (30min) – 保鮮紙包身。。。加埋Ｄ香料焗30分鐘就可以上菜。因為熱熱地，所以好易瞓着。

Aromatherapy Body Massage (70min)  - 推油按摩！我覺得上次去果間日本人開既Asia Herb Association 舒服Ｄ，不過曼谷咁多呢Ｄ場，有排試都未試完啦。

Herbal Ball Compress Massage (30min) – 熱草球按摩，技師用個加熱草球係全身辣下辣下咁，都幾得意架，用熱毛巾應該都有相同效果。

開心時間過得特別快，熱草球係辣醒你係時候起身換返衫走人喇，覺得好唔好都記得俾下tips 啦，面子麻。。。落返樓下reception 俾左錢會有杯香茅荼同雪糕食， 呢Ｄ時間食野係肯定好味。坐返專車出去ASOK 就完了。

香港沒有分店，但日本已經有。只睇店名就知到同芒果有關，今次去曼谷一共光顧左兩次，分別係Soi 4 分店同CentralWorld分店，坦白講香港許留山都有咁上下質素，但Mango tango 令我印象最深反而係Soi 4 呢間分店既裝修，香港未見過有一間甜品店有佢咁有格調。睇得出係花左唔少心思，店名用得Mango當然係Mango 做logo，推開玻璃門入目係好高既樓底掛左唔少裝飾品，主要係以亮同簡潔為主，牆身鋪左木條油左好多 Mango塗鴉，地台亦係用木條鋪設，整體感覺係高當得黎有活力。但可能當晚客少，冷氣開得比較大，原本可以慢慢坐既感覺冇晒。

功略：先order 比$$，埋位等佢送上台。推薦Mango Sticky Rice，佢menu 冇圖中呢款（好彩細妹識得order），好似要留意下收銀位Ｄ 圖先有。

星期六１０點先係kln tong KCR出發，兩個傻仔帶埋新買既Sony TX7出發，果然係比FX36 wide左幾mm, 自拍都更方便！第一站當然係深圳搵野食啦，未夠１２點我地就去左呢間都算中當野既江南廚子，佢開得係萬象城就知佢唔係cheap 野，可能時間早，一開始唔多人，點知１點幾就要等位。。。好彩早幾個字到咋！兩個人食左差唔多二百蚊，唔知算平定貴，但要係香港食呢餐就肯定要四五百蛟啦～　難得上黎一次，唔通仲去食Ｄ十蚊餐咩～

食左Ｄ咩留返俾細妹講！

The Courtyard by Marriott Bangkok

155/1 Soi Mahadlekluang 1, Rajdamri Road
BANGKOK, 10330, Thailand
02-6901888

由於知道比較夜先會到酒店，所以一早send左email同酒店講要late check in，大集團果然有效率，佢地都好快就reply 我話noted！當晚一切順利約11:30PM到達酒店，好快咁上左房（有因應要求俾左高層少少，可惜個景唔係幾得）佢個位置係GCP斜對面，係果條Soi 1最入既一間酒店，夜晚出入有少少黑，歷Ｅ成個trip行左咁多日都係有ＤＤ驚，尤其係有對頭人又睇唔真個樣，佢都會緊緊咁拖實我^^"

酒店外型同裝修都同佢地自己所講既一樣，商務酒店果類，規規矩矩既瞓覺之選。值得特別一提有幾樣野：

1, lift system 係用房卡控制，基本上冇卡就上唔到房，都算有安全感，見到有AA既機組人員都係住呢度，應該都算可以的。

2, 浴室冇浴缸（其實除非間酒店係新開，如果唔係Ｄ浴缸點都俾人一種dirty feeling），但個企缸位我個人幾like，因為佢有一張stone chair，就算坐係度都可以淋到源源不絕既熱水！！爽！岩晒我呢Ｄ鍾意慢慢淋熱水既人！如果第日屋企可以做到既個design 就好喇！

3, 張床算幾好瞓，但唔知點解間間酒店既pillow都係好軟。。。我用慣硬野！

4, 不可不提既係佢地每日提供TWINGS herbal tea bags，歷Ｅ話係貴野，結果日日同佢清袋。。。。但返到香港有飲嗎？

職員就一ＤＤ啦，check in 果陣counter staff都幾好禮貌，但門口bell boy 就唔太helpful喇，上年果間cheap野都有人主動開下門，搬下行李，呢間真係差少少！仲有就係本來以為佢地會有suprise 俾生日果位女士。。。點知竟然令人失望！可能呢Ｄ就係商務酒店啦～

入到去見到呢個好多石屎天花石屎牆既機場（歷Ｅ有冇留意到？），不禁再問一次。。。究竟真係design 定係當時唔夠錢起機場？？？急急腳去海關，今次過海關都幾慢下，唔多人排隊，但都要成廿分鐘先過得到呀！！不過好彩唔係等左好耐就拎到個好搶眼既行李喼！（好想買返個屬於我地既旅行喼呀！！貼貼貼晒我地去唔同地方既記錄^^"）

跟手當然係坐的的去酒店啦，記得上年返黎既時候話過下次再訪BKK會去Departure Level Gate 8 外面坐回頭車，但今次夜機，有Ｄ驚驚！所以都係決定去Level 1 排隊，起碼都叫有小小安全感。。但今次司機叔叔都唔幫我地拎行李既。。。仲要行得鬼死咁快，大佬呀，你一個人行，我地兩個人加行李喼呀！！等等我地啦～～不過可能呢Ｄ咁唔識做既司機先係老實人，冇玩野，Meter 半個鐘就到酒店！Fair deal ~

由於Gate 68 位置偏遠，行左都好一段時間先去到，見條龍已經淨返唔係好多人排上機，不過總算順利上機！下次希望可以悠閒一點。。。

今次機長係歷Ｅ，勁呀！！我地坐近左面機翼，一睇就知係坐飛機啦。。。哈哈。。。其實Airasia呢隻機既位唔係傳聞咁細，佢既闊度十分正常，只係前後位距離近左少少，如果出入就要外面既人起一起身囉。。。如果一家３口去玩就最理想喇～

起飛時間十分準，基本上未到20:50就關左門。。。下次都要記得呢樣野！起飛果下好似唔見左樣野。。。。唔見左幾包粒米呀！！！其實機上面冇咩好做，２個幾鐘睇左自費雜誌同埋幫襯左氣水加冰（HK$20找返B50）瞓左一陣就到埗。。。。

時間：１７：２０

由歷ｅ帶隊既曼谷自由行終於要出發喇！我攞左一個鐘timeoff，４點半由公司直接去接歷Ｅ跟住一齊坐A22入機場。但去到巴士站竟然送車尾，足足等左２０分鐘先有下一班車！！不過Ａ２２真係好快，入到機場唔洗９個字，中途仲飛左好多站，成架車１０個客都唔夠。。。係車上面睇左日落ＭＡＧＩＣ　ＭＯＭＥＮＴ同埋貨櫃碼頭靚景，好靚靚！６點幾入到機場，去到Ｔ２先落車，今次係第一次去Ｔ２，雖然佢冇Ｔ１咁宏偉，但已經比好多機場正！Ｔ２冇咩人，我地先去ＡＩＲＡＳＩＡ櫃位寄行李，地勤哥仔話未ＣＯＮＦＩＲＭ幾多號登機坪，要我地留意時間～幾百蚊張機票算係咁啦～跟手去左食板前，歷ｅ話新鮮過市區，唔通ｄ食材真係空運？？？食飽就買左本忽周陪我地坐無人駕駛去返Ｔ１上機！