文章標籤為 旅行

返到Ｔ１已經發覺時間唔係咁多，唔知點解次次都要咁趕呢。。。。趕頭趕命去duty free 買煙，明明連我都認得係果種煙DunHill紅色盒。。。都仲係要左諗右諗。。。唉。。。但我堅持反對買煙俾老人家既行為，呢Ｄ唔係叫孝順，係想見少佢幾日囉～

由於Gate 68 位置偏遠，行左都好一段時間先去到，見條龍已經淨返唔係好多人排上機，不過總算順利上機！下次希望可以悠閒一點。。。

今次機長係歷Ｅ，勁呀！！我地坐近左面機翼，一睇就知係坐飛機啦。。。哈哈。。。其實Airasia呢隻機既位唔係傳聞咁細，佢既闊度十分正常，只係前後位距離近左少少，如果出入就要外面既人起一起身囉。。。如果一家３口去玩就最理想喇～

起飛時間十分準，基本上未到20:50就關左門。。。下次都要記得呢樣野！起飛果下好似唔見左樣野。。。。唔見左幾包粒米呀！！！其實機上面冇咩好做，２個幾鐘睇左自費雜誌同埋幫襯左氣水加冰（HK$20找返B50）瞓左一陣就到埗。。。。

繼續閱讀 >

 2008年某日，歷Ｅ埋怨灰巨淨係識帶佢返祖國同埋台灣（其實都係祖國一部分)，所以出現左2008年尾既曼谷行！去完之後覺得呢個地方物美價廉，值得再黎，而且上次去仲有好多想食既地方都未食，所以係今年年頭一見到Airasia出免費機票就決定再戰曼谷！

 今次曼谷行主要目的只有一個！！食！食！食！　 　

究竟得４日４夜時間我地可以食到幾多野？只可以講一句。。。就係食到 ，目標歷Ｅ增肥１０磅！！