第一日懷住興奮既心情一早就去左方宅接肉丸，可惜個天係咁落雨，搞到有少少掃興，驚驚地過到去都會落幾日雨，會浪費左呢個旅行。不過當時都唔理咁多架喇，過到去先算啦～哈哈

冒雨去左坐A22，雖然要成$38，但真係十分超值，用左唔夠４５分鐘就直達香港國際機場出境大堂門口！勁！！我地坐１１：１０機，但９：００已經到左機場，ｃｈｅｃｋ　ｉｎ都十分快，唔洗點排隊，但肉太個visa就有少少問題，本來我地打算係香港呢邊搞，唔洗去台灣果邊慢慢排，點知行到去先知個system down左，一定要去到台灣搞落地．．．一行兩人唯有去食早餐等上機啦．．．．

經過將生命交托機ｃ手上的個多小時，平安到達台北桃園機場第二航廈，搞落地visa既時候傻仔左，發現我地冇台$$，要去換$$先．．．結果都要搞左成半個鐘先可以入境．．但總算Welcome To Taiwan！！

選擇左國光巴士去台北車站，再步行去我地既宿處，萬事達旅店。ｃｈｅｃｋ　ｉｎ既時候話我地果間房上手未ｃｈｅｃｋ ｏｕｔ，要等一個鐘左右，本來都打算等，點知咁岩有對小情侶入去開房（ｎｔ＄７８０／３ｈｒｓ），我地先知原來有ｄ房係有浴缸，唔知點解肉丸十分喜歡浴缸，一睇就知佢好想要，好想要果種樣，最後我地ｕｐｇｒａｄｅ左間房，仲有得立即上房！！

第一站：淡水
一人用ｎｔ＄５００買左張ｔｗ８達通坐ｍｔｒ去淡水展開行程，有少少雨，但好彩唔算大雨！

淡水＞漁人碼頭，情人橋＞老街＞西門町

一個ｐｌＡＮ好左既ｓｔａｎｄａｒｄ行程，不斷影相，成功係情人橋睇到日落，雖然見唔到旦黃，但個ｍａｇｉｃ都好靚，係香港真係好難睇到咁靚既日落！雖然行左好多路，但好似感覺唔到ｔｉｒｅｄ．．．（ｕｎｔｉｌ　ｂａｃｋ　ｔｏ　ｈｏｔｅｌ）
淡水老街唔係十分大感覺，可能我地都算比較夜先去到，人唔算好多，吸引去睇既野都唔係多，食左地道小食”阿給”同”肉丸湯”，味道幾得意，豆腐包粉絲，口感幾特別的說。
回程去左西門町一轉，ｔｗ版ｍｋ，食左”阿忠麵線”，燒肉腸，同搶左人地既”ｍｃ牙珍珠ｍｉｌｋｔｅａ”，台灣小食一個字：平！

第一日基本上就係咁多，返到ｈｏｔｅｌ已經十一點幾，用成個鐘放左一大池熱水泡浴後就．．．．．．．然後上床睡覺了！