Home » 豬雞-漫遊 » 2007.台北 » 台灣之旅後記(1)

台灣之旅後記(1)

返左黎香港都已經幾日,一直都冇衝勁去寫下台灣之旅既事,難得有心情,簡單咁寫下啦~


第一日懷住興奮既心情一早就去左方宅接肉丸,可惜個天係咁落雨,搞到有少少掃興,驚驚地過到去都會落幾日雨,會浪費左呢個旅行。不過當時都唔理咁多架喇,過到去先算啦~哈哈

冒雨去左坐A22,雖然要成$38,但真係十分超值,用左唔夠45分鐘就直達香港國際機場出境大堂門口!勁!!我地坐11:10機,但9:00已經到左機場,check in都十分快,唔洗點排隊,但肉太個visa就有少少問題,本來我地打算係香港呢邊搞,唔洗去台灣果邊慢慢排,點知行到去先知個system down左,一定要去到台灣搞落地...一行兩人唯有去食早餐等上機啦....

經過將生命交托機c手上的個多小時,平安到達台北桃園機場第二航廈,搞落地visa既時候傻仔左,發現我地冇台$$,要去換$$先...結果都要搞左成半個鐘先可以入境..但總算Welcome To Taiwan!!

選擇左國光巴士去台北車站,再步行去我地既宿處,萬事達旅店。check in既時候話我地果間房上手未check out,要等一個鐘左右,本來都打算等,點知咁岩有對小情侶入去開房(nt$780/3hrs),我地先知原來有d房係有浴缸,唔知點解肉丸十分喜歡浴缸,一睇就知佢好想要,好想要果種樣,最後我地upgrade左間房,仲有得立即上房!!

第一站:淡水
一人用nt$500買左張tw8達通坐mtr去淡水展開行程,有少少雨,但好彩唔算大雨!

淡水>漁人碼頭,情人橋>老街>西門町

一個plAN好左既standard行程,不斷影相,成功係情人橋睇到日落,雖然見唔到旦黃,但個magic都好靚,係香港真係好難睇到咁靚既日落!雖然行左好多路,但好似感覺唔到tired...(until back to hotel)
淡水老街唔係十分大感覺,可能我地都算比較夜先去到,人唔算好多,吸引去睇既野都唔係多,食左地道小食”阿給”同”肉丸湯”,味道幾得意,豆腐包粉絲,口感幾特別的說。
回程去左西門町一轉,tw版mk,食左”阿忠麵線”,燒肉腸,同搶左人地既”mc牙珍珠milktea”,台灣小食一個字:平!

第一日基本上就係咁多,返到hotel已經十一點幾,用成個鐘放左一大池熱水泡浴後就.......然後上床睡覺了!

1025 Total Views 1 Views Today

About eddy