出發 Part 2

4154975623_dd61e07abc_o返到T1已經發覺時間唔係咁多,唔知點解次次都要咁趕呢。。。。趕頭趕命去duty free 買煙,明明連我都認得係果種煙DunHill紅色盒。。。都仲係要左諗右諗。。。唉。。。但我堅持反對買煙俾老人家既行為,呢D唔係叫孝順,係想見少佢幾日囉~

由於Gate 68 位置偏遠,行左都好一段時間先去到,見條龍已經淨返唔係好多人排上機,不過總算順利上機!下次希望可以悠閒一點。。。

今次機長係歷E,勁呀!!我地坐近左面機翼,一睇就知係坐飛機啦。。。哈哈。。。其實Airasia呢隻機既位唔係傳聞咁細,佢既闊度十分正常,只係前後位距離近左少少,如果出入就要外面既人起一起身囉。。。如果一家3口去玩就最理想喇~

起飛時間十分準,基本上未到20:50就關左門。。。下次都要記得呢樣野!起飛果下好似唔見左樣野。。。。唔見左幾包粒米呀!!!其實機上面冇咩好做,2個幾鐘睇左自費雜誌同埋幫襯左氣水加冰(HK$20找返B50)瞓左一陣就到埗。。。。

4171833448_e72b6cdbfa_o