出發 Part 1

01日期:23。11。2009

時間:17:20

由歷e帶隊既曼谷自由行終於要出發喇!我攞左一個鐘timeoff,4點半由公司直接去接歷E跟住一齊坐A22入機場。但去到巴士站竟然送車尾,足足等左20分鐘先有下一班車!!不過A22真係好快,入到機場唔洗9個字,中途仲飛左好多站,成架車10個客都唔夠。。。係車上面睇左日落MAGIC MOMENT同埋貨櫃碼頭靚景,好靚靚!6點幾入到機場,去到T2先落車,今次係第一次去T2,雖然佢冇T1咁宏偉,但已經比好多機場正!T2冇咩人,我地先去AIRASIA櫃位寄行李,地勤哥仔話未CONFIRM幾多號登機坪,要我地留意時間~幾百蚊張機票算係咁啦~跟手去左食板前,歷e話新鮮過市區,唔通d食材真係空運???食飽就買左本忽周陪我地坐無人駕駛去返T1上機!