重陽回鄉

好日唔返一次返大陸,上兩星期就一口氣連住返。第一次係陪歷e去尋找懚世名醫養生
之道,醫師有冇料我就唔確定,但俾唔到信心我囉!呢次去深圳仲食左東北人,係歷
e爸媽介紹,不過口味唔係咁岩~

第二次就返左家姐果邊,原本我以為係去拜阿婆,原來唔係!星期六下午先出發,去
到家姐屋企差唔多7點,食完飯睇埋電視就上床瞓!星期日一早阿媽就同家姐一齊去
睇醫生,阿媽隻手成日痛,醫生睇完話佢有少少發炎同佢針灸。我就瞓到夠先出去會
合佢地LUNCH,去左一間叫竹溪酒家既地方,呢度好似開左好多年同埋幾出名,如果晚
飯要BOOK左位先有得食!我地去食LUNCH都好多人,而且仲有人擺結婚酒,原來北方人
係鍾意擺中午!

飯後就返左沙頭探嫲嫲,佢仲好健康亦都十分夠中氣,不過成87歲就當然冇以前反應
咁快啦,老人家見得一次得一次...下次就到時間帶埋歷e去啦

星期一約左華仔LUNCH,細細個識既朋友到今時今日約下既感覺唔錯

食飽又係時候返香港,不過坐左兩個幾鐘先去到深圳SHXT!

You may also like...