收房

今日個天鬼死咁焗熱,行幾步已經出汗水!一返到去公司先醒起原來同事果邊有間房今日要收,身為隊員既我竟然唔記得左  :fig16  不過好彩我只係去做影相,冇咩要準備...

3個人坐小巴先落去物管果邊集合,去到已經見有幾個workman, cleansing, EA 等緊,我地入去office搵多兩個同事就拉大隊上樓!!一行十幾人,帶晒武器!!有d似去開片..哈哈

由於呢間房本身個人已經走左佬,所以入面冇咩特別野,聽d同事講有d入面超嘔心架 :fig23 我地先由workman爆閘,破門!跟住就我地3個入去影相點數!好似d執達利咁睇下有咩值錢野做mark低佢,貼張label 影張相做記錄。其他人要係出面等我地點完先入得黎,哈哈...幾搞笑架都...由於係長條型,好多街坊都係屋企伸個頭出黎睇下咩事....good show!!

點完數就即場係門口貼張notice 收左d咩走,等果個人可以黎取回,唔取就會拎去拍賣!!不過admin fee 隨時高過d野既價值囉 :fig14 最後就係由workman 同cleansing 執野入倉同清場,今日好順利,個幾鐘就收隊!

返到上去自已個位做埋d手尾就食lunch ...就咁冇左半日時間做自己野...不過好彩上星期五A仔放假,我地入左幾十個file俾佢,今日佢做到冇停手...呵呵

You may also like...