Home » 我們的軒軒 » 雪糕出世啦之20180218

雪糕出世啦之20180218

0530 肚痛,走去呵屎,點知一擦屎忽,見到有血,其實4點幾已經訓唔著,立即同肥雞講,我見紅啦!

跟手起身,沖涼,攪掂就飛的,但期間已經有陣痛,約10分鐘一次,都仲頂得順

0645左右,到左醫院,直上3樓,登記後,做左初步檢查,去毛同指探,就去左產前房,抽左血,原來已經開左一度,個人駁左d機量阿仔心跳同子宮收縮情況,點知已經越來越痛,大約隔3至5分鐘一次,每次約30秒,美好好有心,8點已經飛的到左來探我,長城既朋友都來齊哂!

9點幾終於等到醫生到,最後決定11點開刀,初頭姑娘話紅日無得陪產,老公同我都好失望,最後好彩有,立即開心哂!

10點換好衫,典住痛等11點既來臨,去到10點9,姑娘推左我落手術室,11點準時開波!先係手打麻醉,種豆,然後消毒背脊,先打細麻醉,再打n次麻醉,我要成條蝦咁,痺到叫得出聲,終於攪掂,梁生就入左來,開始左手術,約5至10分鐘,bb就叫出聲啦,時間1132,重2.9kg!

簡單清潔完,bb就抱左來影相,跟住梁生就出左手術室,我就聯緊針,12點幾就返左病房休息!

就此記錄一下

About anson