Home » ED小記 » 混亂拉麵

混亂拉麵

孤獨的美食雞系列 – 深水埗土炮拉麵

返工等放工,放工無人陪,肚仔打鼓,孤獨去搵食!

由於行去坐巴士順路,呢間深水埗警處對面嘅拉麵店已經多次過門不入,今晚終於下決心試佢一試。

一個人入座唔洗等位,坐低就會俾張點菜紙自助揀選口味,麵底有兩種粗幼,可以因應個人喜好組合。


我嘅選擇係如圖所示。入單後大約5分鐘有得食,實物份量都好足,起筷前已肯定一定可以食得飽!


先講湯底,一言以蔽之,有微辣嘅麵豉湯。麵質有咬勁,或者叫彈牙,但麵條長短不一,感覺碎濕濕(混亂?)麵本身顏色似有味,但食落又唔無。


講完麵就講配料,因為揀咗2倍野菜,所以都幾多芽菜,其實本來以為會多爺菜,少少失望。然後睇下d 豚肉,份糧都幾足,厚度都合格;肉質夠淋夠滑,但唔夠入味,本身豬肉味又食唔出,明明知道食緊豬肉,但又無果陣味,感覺怪怪!


呢碗麵我最滿意係隻半熟玉子,同日本拉麵店水平好接近!讚!


以$88呢個價,莫講話係深水埗,就算其他區都可以食到比佢好嘅食物!唯一可取就係一定夠飽!

122 Total Views 2 Views Today

About eddy