Home » 豬雞-漫遊 » 2015。曼谷 » Day 4-和火鍋+Makro
店入面得呢個招牌

Day 4-和火鍋+Makro

到行程第4日,係時候又搵D新奇剌激嘅地方去下!

唔放過酒店早餐之下我地出發去Sathron 果邊嘅一間地道牛肉火鍋店,店名單字一個"和",應該係潮州華僑經營,聽聞係當地好多司機都會去食嘅職人飯堂。由酒店搭的士去一間叫Makro嘅超市落車,然後去面向Makro 右手面嘅一條小路行入去,呢條小路之前用google map 過,放心行入去就得!點知當日去到有少少暫,因為朝早應該係落過場雨,搞到條小路成地積水,要踩住D石頭,磚塊先行得過。。。

就係呢條路。。。一錯腳就會鞋都濕
就係呢條路。。。一錯腳就會鞋都濕

行過條小路其實就係一個當地人生活嘅小社區,唔算窮人區,只可以話係平民居。今次嘅目的地"和"離小路3-4分鍾,係一個十字路口位置,去過一次實會認得。 當時間鋪好似得幾個客,估計係因為未到午飯時間?其實都唔一定食牛肉火鍋,D本地人係食一碗碗牛雜粉。但我地就當然係火鍋啦!語言不通下都成功點咗個火鍋,仲跟2個白飯!面對下面張menu,真係投降。。

menu 得泰文。。明顯唔係遊客店啦
menu 得泰文。。明顯唔係遊客店啦

點完菜就等食喇,伙計努力幫我地預備D料,基本上都唔應該叩火鍋,雖然係用炭加熱,但D材料上台前已經落晒去煮,我地只係等佢熟就得。

製作中...
製作中…
呢鍋野。。200Baht!
呢鍋野。。200Baht!

為返港幣唔洗$50,夠晒2個人食!肉就當然唔係D咩高檔野,但牛有牛味!返香港食唔返佢嘅味!呢間雖然交通不便,但會有下次!

兩個吃貨!
兩個吃貨!

食飽就行返出去Makro,滿心期望而去,少少失望而回。佢地方大,但種類就唔算多,但人地銷售對象本身就唔係遊客,而且仲要係近似批發模式。所以除非去開”和 “,否則都唔會專程再去Makro。

真方大到似貨倉
地方大到似貨倉
咁大pack,點買呀!
咁大pack,點買呀!
677 Total Views 1 Views Today

About eddy