Day 2 行程

經過一晚既sq030,晨早就醒左,本來想早少少叫曆E起身,但可惜佢太賴床,點都係要10:00先肯起sweatcheck out 後打算過返Macau先食早餐,點知人算不如天算,我地用左差唔多兩個鐘先過到澳門關,澳門海關真的很垃圾,完全唔識人流控制,唔係大時大節都咁樣...唉fig46仲衰過十幾年前既羅湖!!

12:40返到澳門決定坐的士去青州隱世美食劉記fig33話時話,去左澳門幾次都係第一次坐的士,感覺....澳門大賽車預賽囉...$13起錶,幾分鍾就到左青州小學門口,$15落車!fig45其實一落車果下都迷迷地,因為左睇右睇都覺得果頭好荒蕪,有d驚搵唔到劉記就大鑊fig41好彩出發前已經睇過google map, 一行就行岩路,過左一個爛地停車場就見到呢間鐵棚餐廳,原來好多本地人都係開電單車黎食,行到埋去竟然都要等位sq034搵到位一人叫左一碟豬扒粗,嘩~~好油呀!!十分唔健康囉!!二話不說係咁食係咁食!通常唔健康既野都特別好味fig04曆E飲左支玻璃Coke我就一杯凍OT,本來叫左個魚旦菜,但因為遲遲唔黎,所以到個阿姐左問右問邊台叫左魚旦菜既時候我地冇出聲...嘿嘿..唔好意思呀fig16仲係度借電話打去船屋book 左兩位Dinner at 18:30

食完呢個早+午餐我地見有33號Bus就坐左去官也街,時間太早,未有得食大利來豬扒包,左行行右行行等時間過,去埋一間唔知咩氹仔博物館參觀先差唔多夠3點,見到d人開始排隊我地又排埋一份sq019排排下又撞到澳門Willium Hang,時間都唔難過,一夠3點開始賣包...唔排隊冇得買,堂食都要排同一條隊!果然係一大景點!同曆E一人一個去左樹下面坐定定食飽,其實....我又唔係覺得咁好食囉...佢件豬扒唔juicy,最特別係個飽外面脆脆地囉..名過其實stupid

坐返11 Bus 去新馬路食榮記豆腐花,曆E未出發就話要食佢,唔去又點得呢...$4.5一碗,兩個人食左3碗,十分抵食!d豆腐花好滑,最特別係佢本身加左超甜豆漿,代替左香港食開加糖水既方式!行過手信街買左今次澳門之旅既手信後,見時間都好早,決定再食多次瑪嘉烈,今次一人一個,但可能唔係岩岩出爐,d皮冇咁脆,但點都好食過kfcHK….見曆E上次黎冇玩返兩手好似有d遺憾,所以帶左佢去新葡京賭$$結果當然係輸啦sq014下次唔好賭喇!!

玩完兩手坐返10A Bus去媽閣準備食船屋,上年食左一次,曆E念念不忘,今次決定Encore!我地好彩有book位,如果唔係都唔係咁易有得食....叫左3個餸,食唔晒囉...個沙拉唔岩口味,海鮮飯因為本身唔餓,好味都食唔得多,欖油蒜蓉煮蜆幾好味,不過就多左少少味精..哈哈

食完野差唔多8點,一出到黎竟然落雨sq039d時間唔上唔落,算啦...早少少返HK好過!見dBus 好似唔經氹仔碼頭,決定去星際坐發財車,點知我地去到星際竟然話氹仔車冇晒(收7點)..好彩姐姐仔叫我地去永利睇下有冇....最後我包左架旅遊巴送曆E去碼頭fig43本來係22:30船飛,但佢大把位,去到坐21:00回港!

————-完—————

今年plan得唔好,下次我會做得更好fig11

1469 Total Views 2 Views Today

About eddy