香港快運初體驗

HKEXPRESS2

香港快運(UO)係我地繼Airasia之後乘坐的另一間LCC (Low Cost Carrier),由附圖可以睇到航機機身仲未轉UO自己名,佢其實係香港航空(HX)分拆出黎,名字雖然係”香港”開始,但公司實際上係由海南航空擁有。可能因為HX開航後有多次delay,cancel flight,行政混亂等事件,網上好多人都十分抗拒HX,連帶UO都俾人指經常delay!所以由上年買機票後一宜留意UO,發現好多都係以訛傳訛,實際上UO好少出現delay,作為一間LCC,佢經常性有中短期大減價,唔似得Asirasia一般都係遠期先有大減價。正如一般LCC,UO不免費提供機上娛樂飲食,起飛後機倉服務員會推銷飲食,一個合味道杯麵加可樂賣賣HKD35,價錢當然貴過平時去7-11買啦,但以禁區內物價標準,其實都可以接受。

今次坐香港往返沙巴,check-in位置係T2,登記閘口係523,我地check-in後玩左一陣jetso couple 遊戲就經T1過海關,然後9秒9入左 近Gate 1 的Traveler Lounge 倒左個免費早餐落肚,去到閘口又係已經Final Call。 Gate 523 位置比想像中近,沿指示由T1過海關後行幾分鐘都去得到,但Gate 523 只係一個上巴士門口,地勤check 機票後就安排坐大約10分鐘巴士出去登機,落車後就要露天行上機,對大部分人應該係一個新奇體驗吧!呢種安排當然係為左減低營運成本,但如果當日落雨就可能較為唔方便。

HKEXPRESS1

當日班機都好準時,去到KKIA T1 落機後出閘買埋機場巴士車票都未到3:30PM,如果唔係上機後有一個港女投訴點解佢地2對男女唔係坐窗口位而浪費幾分鐘,估計可以更早。每次見到呢d港女都覺得自己好彩搵咗一個潮妹做老婆。講返機倉內部,感覺上同Airasia差不多,而且兩公婆都係一米七都未夠,所以唔會出現頂腳問題,前面位乘客又唔係無良人士,來回兩程2個半小時航程都覺得尚算舒適。多得遇到一個好人地勤,去程執死雞坐第三行右面窗口位,落機前有得睇亞庇全景,落機早過人,去到海關都係頭幾個完成入境手續。回程就因為遲左去check-in,得返最後一行先有2個相連位,當地地勤都有提醒由於後面有牆所以無得向後調較張椅,結果又比預期效果好好多,因為最後一行好多時都唔會安排人坐,係上座率超過9成既情況下我地都可以2個人坐3個位,去尿尿都唔洗麻煩人起身,而且張椅又出奇地都有少少位置可以向後調較,雖然最遲先落機,但幾分鐘又有咩所謂呢。

UO如果可以保持現時質素同收費,肯定有下次!期待下個月flayagain la…

 

You may also like...