感謝主！

過年前去左見呢份政府工，上個星期收到HD打黎confirm 地址有冇改，係唔係仲做緊Sino．．．然後係香港討論區見到有人話５月會有result….個心就開始希望會選中

前日同尋日都分別向主禱告，祈求選中我．．．我唔係一個教徒，但由小學到中學都係讀教會學校，學識左一種令自己安心既方法．．．就係祈禱我唔知係唔係真係有主，但我只知祈禱可以令我relax….

15/16左成日，返屋企去到樓下就即睇信箱，結果得個吉返到上樓一開門第一時間望入房，睇下台面有冇信．．．冇發現點知一睇食飯台收到喇收到喇！！！！有HKSAR既logo！！第一時間開信一睇！

Dear Mr. Leung,

I am pleased to offer …………..唔睇落去就已經知道得左！！！

第一個知道既係媽媽，因為佢見我咁緊張開信；第二個係細妹

依家要做既係準備resign letter….老實講，一年sino都唔知自己做過咩．．．唔好講學左咩喇不過就有一班好同事，呢一年都過得開心