肥雞.肉丸.手拖手.到老
| 列印文章 | 此篇文章是由 eddy 在 2009 年 02 月 11 日 5:10 下午 所張貼,並且分類為 沒有景點!只有食店。曼谷。2009, 您可以透過 RSS 2.0 追蹤此篇文章的留言。 您可以 寫個留言 或是從您的網站丟個 trackback 回來。 |
尚無留言。
尚無 trackbacks 。
取消6月旅行
大約 2 個月前 - 尚無留言
沒有了Central World, 沒有了BigC, 沒有了Siam Square……….6月的曼谷之旅都係取消啦…想孝順下雙親都咁難!! Pullman 已經confirm 左退錢,Airasia 就要等6月頭先知有冇得退。0
CORAN Boutigue Spa
大約 2 個月前 - 1 篇留言
CORAN Boutigue Spa Treatment: MONONOKE version 3 Price: each person THB2,000 / 180min (after 50%discount) Reservation Date: 25/11/2009 Reservation Time:14:30 第一次去做呢類treatment,但我同細妹出黎既感覺都幾一般,肯定唔會係愛上左果種,但抱住未試過又想試下既心態當然值得一試!兩個人玩足3個鐘都係HKD1000埋單,香港肯定唔到啦。不過下次都係淨做推油會比較岩我地。 未出發一早就send 左email 去book, 由於佢地位置唔近大路,所以提供左接送服務。2PM係ASOK BTS 果間Robinson Department Store既M記出面等專車黎接我地,司機幾靚仔,車入面好香,一上車已經聞得到。其實呢間野係一間小平房改建,估計老板真係賺死!以前睇過話Thai一個人都係搵萬幾Baht一個月,開呢Dspa 1個客都洗幾千先出得返黎,真係好搵。 入到去會先換鞋同confirm package, staff 會問你用咩aroma oil, 又會俾份form 你填下簡單資料同要求,我覺得D技師係主要睇力度果個item only。 等左一陣佢地執好房就可以先去閣樓洗腳,其實真係幾唔習慣比人洗對香腳。然後當然係入房上床搞野啦,過程如下: Green Tea Body Scrub (30min) – 先黎個全身去死皮,真係咩它泥都比佢省走。。。一開始個幾下都有D痛,但慣左又做咩野。省完會俾時間我地沖個涼,但佢本身係磨沙玻璃,基本上D係會俾技師睇到自己沖,feel not good! Plai Clay Body Pack (30min) – 保鮮紙包身。。。加埋D香料焗30分鐘就可以上菜。因為熱熱地,所以好易瞓着。
Gelato Mochi
大約 2 個月前 - 尚無留言
行完Emporium Bangkok 既supermarket 買既甜品,平香港一半,其實唔知同平時食既雪糕X米池有何分別(除左口味多)。我地坐係supermarket 門口食左先走,由朝食到晚,爆quota…估計重左1 lb。
Mango Tango
大約 3 個月前 - 尚無留言
地址:Siam Square Soi 4 香港沒有分店,但日本已經有。只睇店名就知到同芒果有關,今次去曼谷一共光顧左兩次,分別係Soi 4 分店同CentralWorld分店,坦白講香港許留山都有咁上下質素,但Mango tango 令我印象最深反而係Soi 4 呢間分店既裝修,香港未見過有一間甜品店有佢咁有格調。睇得出係花左唔少心思,店名用得Mango當然係Mango 做logo,推開玻璃門入目係好高既樓底掛左唔少裝飾品,主要係以亮同簡潔為主,牆身鋪左木條油左好多 Mango塗鴉,地台亦係用木條鋪設,整體感覺係高當得黎有活力。但可能當晚客少,冷氣開得比較大,原本可以慢慢坐既感覺冇晒。 功略:先order 比$$,埋位等佢送上台。推薦Mango Sticky Rice,佢menu 冇圖中呢款(好彩細妹識得order),好似要留意下收銀位D 圖先有。
吉列豬扒 Saboten
大約 3 個月前 - 尚無留言
Saboten 位於CentralWorld旁伊勢丹商場6樓,此店源於日本新宿,落戶曼谷中心購物區,走中高檔路線。當日係旅程第二日,同細妹都唔係好有idea去邊食,加上酒店早餐都飽飽地,所以想搵間簡單D黎試。當望住CentralWorld 既時候,腦入面就彈出呢間日式吉列豬扒食店。 決定一試!曼谷人都幾搵得$$,一個set lunch 計返港幣約$6-70蚊,但好多人(日本人,本地人都有)食呀,等位未入得去就俾定menu問我地食咩餐,我地一人一個set, 我個豬抄扒set 加大左(其實唔洗加大,因為唔覺得件扒真係有大到囉!)平香港既人吉一半,但質素都有返8成架!芝麻醬都係自已磨,椰菜絲沙律,飯同湯都係任加,仲一客滑滑自製抹茶雪糕做甜品!正!鍾意食炸豬扒既朋友可以一試!
MoMoCafe
大約 3 個月前 - 尚無留言
由於今次book 酒店係買一送一,free night 唔包早餐,所以全程只係Day 2 and Day 4有得係酒店食。 酒店早餐地點係大堂左邊既半露天餐廳 MoMoCafe,我地兩日都係坐室內,一來怕熱,二來室內方便拎野食。食餐黎講都算豐富,沙拉都有七八款配料,bread都有五六種,又有得自己加熱(細妹至愛既產品之一!)亦都有廚仔幫你煎egg 同煮粉,泰國真係去到邊都有少湯粉!肉類就唔算多,不過早餐不宜食太多肉啦! 住過幾間泰國酒店,發現早餐都會有白粥,為中國人而設的嗎? (睇下!!細妹連去到泰國都要傾電話。。。同香港一樣!完成唔理對面個位既感受!!港女是也!)
胡慧沖
大約 4 個月前 - 尚無留言
識得胡慧沖呢個名係因為上兩年想自由行去泰國,搵到佢搞既一個泰友營,算係最多資料最有人氣既一個網站,當時感覺係搵到一個寶藏,衣食住行都有介紹,真係睇完唔洗買書。後期就主要睇forum 入面D人既"油雞",同埋睇下人地問D咩問題。。。最終2008年既二人行。曼谷。順利完成。 因為第一次自由行既順利,引致中毒。。。plan 定沒有景點!只有食店。曼谷。2009同埋帶雙親出城。曼谷2010,真係一年去一次。。。但睇得多就有個問題,究竟胡慧沖係咩人?失意香港既藝人、長居泰國既人、靠泰國搵食既人。。。。一個咁既人,已經唔可以當係香港人,所以成日有香港人話佢刻意唱好泰國係無錯,因為佢係泰國人。。。有得入籍佢都會入!每次泰國有事,都會見佢四圍散播泰國無咩大件事既訊息,再唔係就用淡化既技巧去講人地全球新聞都認為嚴重既事。。。。不過佢都醒目,加返一句咩雖然泰國市面平靜,遊客冇影響,但驚就唔好黎啦,下次先黎囉。。。 泰友營既資訊(forum only)讚!胡慧沖就。。。
酒店篇
大約 5 個月前 - 尚無留言
今次呢間酒店位置比上年果兩間好少少,出入可以行去BTS,步行去Central World 都只係10分鐘,都慳左唔少車馬費。同埋有buy 1 get 1 free promotion,平均一晚先4佰幾蚊,算係物有所值啦~ The Courtyard by Marriott Bangkok 155/1 Soi Mahadlekluang 1, Rajdamri Road BANGKOK, 10330, Thailand 02-6901888 由於知道比較夜先會到酒店,所以一早send左email同酒店講要late check in,大集團果然有效率,佢地都好快就reply 我話noted!當晚一切順利約11:30PM到達酒店,好快咁上左房(有因應要求俾左高層少少,可惜個景唔係幾得)佢個位置係GCP斜對面,係果條Soi 1最入既一間酒店,夜晚出入有少少黑,歷E成個trip行左咁多日都係有DD驚,尤其係有對頭人又睇唔真個樣,佢都會緊緊咁拖實我^^" 酒店外型同裝修都同佢地自己所講既一樣,商務酒店果類,規規矩矩既瞓覺之選。值得特別一提有幾樣野: 1, lift system 係用房卡控制,基本上冇卡就上唔到房,都算有安全感,見到有AA既機組人員都係住呢度,應該都算可以的。 2, 浴室冇浴缸(其實除非間酒店係新開,如果唔係D浴缸點都俾人一種dirty feeling),但個企缸位我個人幾like,因為佢有一張stone chair,就算坐係度都可以淋到源源不絕既熱水!!爽!岩晒我呢D鍾意慢慢淋熱水既人!如果第日屋企可以做到既個design 就好喇! 3, 張床算幾好瞓,但唔知點解間間酒店既pillow都係好軟。。。我用慣硬野! 4, 不可不提既係佢地每日提供TWINGS herbal tea bags,歷E話係貴野,結果日日同佢清袋。。。。但返到香港有飲嗎? 職員就一DD啦,check in 果陣counter staff都幾好禮貌,但門口bell boy 就唔太helpful喇,上年果間cheap野都有人主動開下門,搬下行李,呢間真係差少少!仲有就係本來以為佢地會有suprise 俾生日果位女士。。。點知竟然令人失望!可能呢D就係商務酒店啦~
AirAsia Shuttle Bus
大約 6 個月前 - 尚無留言
之前上網見人話係香港果邊AirAsia有時會要駁Shuttle 上機,點知我地今次係Shuttle 落機!第一次坐機場Shuttle 呢!我諗應該係因為到埗時間係當地成11點,機場為左環保(慳電費?!)已經關閉某D閘口,所以就出現左呢個安排。因為我地係坐機中間,落機後見到第一部Shuttle已經上左唔少人,所以決定影返張相,等第二部車~ 第一次企係停機坪吹風,冇咩感覺。。。水泥地一塊。。哈哈!!上左車我地坐左差唔多成個字先到閘口,其實只不過係由一邊wing U-turn 過去另一邊,不過如果行路就幾死。。。 入到去見到呢個好多石屎天花石屎牆既機場(歷E有冇留意到?),不禁再問一次。。。究竟真係design 定係當時唔夠錢起機場???急急腳去海關,今次過海關都幾慢下,唔多人排隊,但都要成廿分鐘先過得到呀!!不過好彩唔係等左好耐就拎到個好搶眼既行李喼!(好想買返個屬於我地既旅行喼呀!!貼貼貼晒我地去唔同地方既記錄^^") 跟手當然係坐的的去酒店啦,記得上年返黎既時候話過下次再訪BKK會去Departure Level Gate 8 外面坐回頭車,但今次夜機,有D驚驚!所以都係決定去Level 1 排隊,起碼都叫有小小安全感。。但今次司機叔叔都唔幫我地拎行李既。。。仲要行得鬼死咁快,大佬呀,你一個人行,我地兩個人加行李喼呀!!等等我地啦~~不過可能呢D咁唔識做既司機先係老實人,冇玩野,Meter 半個鐘就到酒店!Fair deal ~
出發 Part 2
大約 7 個月前 - 尚無留言
返到T1已經發覺時間唔係咁多,唔知點解次次都要咁趕呢。。。。趕頭趕命去duty free 買煙,明明連我都認得係果種煙DunHill紅色盒。。。都仲係要左諗右諗。。。唉。。。但我堅持反對買煙俾老人家既行為,呢D唔係叫孝順,係想見少佢幾日囉~ 由於Gate 68 位置偏遠,行左都好一段時間先去到,見條龍已經淨返唔係好多人排上機,不過總算順利上機!下次希望可以悠閒一點。。。 今次機長係歷E,勁呀!!我地坐近左面機翼,一睇就知係坐飛機啦。。。哈哈。。。其實Airasia呢隻機既位唔係傳聞咁細,佢既闊度十分正常,只係前後位距離近左少少,如果出入就要外面既人起一起身囉。。。如果一家3口去玩就最理想喇~ 起飛時間十分準,基本上未到20:50就關左門。。。下次都要記得呢樣野!起飛果下好似唔見左樣野。。。。唔見左幾包粒米呀!!!其實機上面冇咩好做,2個幾鐘睇左自費雜誌同埋幫襯左氣水加冰(HK$20找返B50)瞓左一陣就到埗。。。。
