深圳建行開戶

SZ10112013自上個月去完一次深圳灣後,今個月又去左一次。9/11瞓到十點幾先起身去apm換車飛,點知個cs話唔可以一次過換兩張,後尾搞一大輪先死死地氣換俾我地,永東staff幾好人,俾我地用龍華飛去坐深圳灣車,過關後坐公交車B794去到海岸城落就去搵建行開ACCOUNT,一來方便TB,二來日後可以用黎存人民幣抗通賬!RMB50K存3個月都有年息4.7%,高過香港好多!!

其實之前已經上網睇定資訊,香港人上去開ACCOUNT只要帶回鄉卡,一個大陸電話卡就OK!當日個銀行STAFF俾份表我,要填一個深圳地址!雖然佢明知我亂填都無理我,問清楚左佢係唔會有任何野寄俾去呢個地址,所以都好安心!俾左RMB50拎走一張龍卡同埋一個USB機,跟手去ATM自助入多RMB500落去戶口,感覺大陸銀行仲先進過香港...

開完戶口係平台行過一間叫”麥渡”既麵包店,STAFF話全店半價,所以入去飲杯野食件DONUT小休一陣,唔難食,兩個人幾十蚊休休閒閒坐左成個鐘,又有WIFI,如果香港就唔係咁易搵呢D地方。小休完畢坐地鐵去左COCOPARK,呢個商場真心唔錯,雖然唔會買D咩野,但野食算多選擇,而且用餐區好多都有露天位,可以好游明咁過一個下午!最後去返福田食埋小肥羊先返香港!多得APM既車飛我地先會去下深圳,黎緊有時間又會再上下去....COCOPARK下午茶!