機會

上個星期既特別會議已經draft 左minutes俾經理睇,估計佢會大改,因為係個會度好多野都對主席不利,而且有可能影響埋經理...究竟佢地會點樣去擺平呢件事?其實我唔想知,亦都希望冇機會知.....好彩既話我會極速離開呢度...

正常去睇,呢個盤適合等退休人士/唔打算再有新發展人士,日日都係度等時間過,平平淡淡....但對於我呢d年輕人...似乎真係唔太岩做...一來自問未有做一個site-IC既準備,二來呢度既人事真的complicated…內部唔團結,外部又處處暗湧,上司又愛理不理...入行年半的我又如何可以handle? 有危亦有機,我知呢個係一個學野好機會,但既然有可能出現第二條路(信記),點解又唔去試下?信記係大發展商,而且睇得出會不斷係地產界投資,每個新樓盤都要一team人去管,機會肯定唔會少...本來自己都打算過多兩三年有多d經驗試下入信記打滾,但有咁好既機會就唔可以放過啦....

連續in 左幾次,無論得與唔得,都係一個唔錯既經驗..起碼知道自己interview整體黎講都唔算差,對日後再搵工都叫多d信心...不過preparation 就真係幾時都要做足了....唉