機票篇

hokkaido airlines今次旅行又係預早一年籌備,首先就係研究免費兌換Asiamiles機位,幾經辛苦,2014北海道+東京之旅確認成功!!記得由08年申請citibank premiermiles信用卡儲里數開始,到今天終於成功獲得第二次免費機票!!上次係30,000里玩盡首爾+京阪神,今次挑戰30,000里北海道+東京,今次由於只係日本一個國家,所以每人只需$762 ($727)就可以坐4程機!

其實儲里數真係唔容易,但係想旺季出發,日數又多就非佢莫屬。首先要搵自己消費模式,熟習各銀行信用卡玩法,經常update 自己有咩promotion 做緊,做果農、去百佳買Coupon 等等……仲有一個極速方法,可惜無本錢玩!

講返今次行程:
2014.7.1 香港機場經東京羽田轉飛內陸機往新千歲機場
2014.7.7 旭川機場內陸機回到羽田機場
2014.7.13 羽田機場返香港機場

一共4程機,上個月已經打上去Asiamiles hold左香港來回東京,等到尋日JAL到期放7.7.2014內陸機位就再打上去出埋東京來回北海道,過程唔算順利,但總算成功攞位。呢4程機如果要俾錢買,估計5K起步啦!!接下來有一年時間好好計劃行程了!!

分享一下今次兌換過程:

Step 1, 確定旅行目的地及日期 e.g. 香港出發,玩北海道+東京;香港可以直飛東京羽田/成田,而北海道就有4,5個機場,我今次係睇夏日花花,所以會選擇札幌同旭川,經考慮行程後決定札幌入,旭川出。

Step 2, login CX website check HKG<->HND有冇位,一見到有就打去Asiamiles要求hold左先,唔洗出票住,佢可以幫你hold一個月,到期自動放返出公海,順便問埋內陸機幾時開始放位

Step 3, 內陸機放位日再打上去book,由於正常情況下內陸機唔hold得,所以要預備埋passport no, expiry date, full name, credit card 資料俾佢

Step 4, 資料齊全就會send email 俾個iliternary 你,一定要小心核對上面d資料,佢地會犯錯的!如果你唔打上去話有問題,佢地出票部再遲少少就會send 一個e-ticket + receipt 俾你,入面有齊航班及乘客資料。

Step 5, ……………等出發囉!

下面兩個網站係一定用得到:

1, 國泰

2, 日航(日本

3, 英航  << 可以直接check 到有幾多個位, 但有時唔多準

小tips:
– 由於Asiamiles 可以換CX/KA 360日前既機票,而伙伴公司如JAL就330日,所以要提早一年每日去CX網站查免費機位,如果你只係要換直航來回,咁見到有位就可以online book!如果好似我要open-jaw / multicities ,就要打電話去hotline搵真人對話首先hold 起CX/KA航段,然後等內陸機release date 一到就再打上去hotline confirm。

– 東京羽田係最多日本內陸機,轉機首選

– CX/KA放位係09:00 ; 而日航放位係朝早8點

JAL羽田飛札幌接近一小時一班,香港直飛羽田就一日得兩班,無論想即日到札幌/旭川都最好坐CX548

HKG-CTS

直航札幌唔洗諗會有位, 所以首選CX548

 

 

 

 

 

 

 

最後book 左JAL523羽田飛札幌,雖然羽田要先入境拎行李再去內陸機check-in,但有2:35分轉機,好充足!

HND-HKG

羽田 / 成田返香港都可以

 

 

 

 

 

 

 

 

2013.6.9 收到Asiamiles 打黎通知AKJ – HND 既JL1104 reschedule,由13:50 轉為12:50,本來都有諗過check out 後一個上午無咩地方去,既然個天有意安排訓醒直接去機場,咁索性叫佢幫我轉10:15AM depart 既JL1100,早d過東京!但因為9月1日開始加左fuel tax,由原本$727 變為$762……

CX 2014

You may also like...