居屋新聞通識

居屋揀樓次序點樣定?

上香討睇人討論居屋揀樓次序唔公平,好多人入表前連揀樓次序都唔清楚就話房委會呃單身者申請費,其實好多野都可以推論出黎,有心就自然明白個玩法。

房委會為每個申請人編配”申請書編號”然後舉行攪珠去決定申請人的揀樓次序,申請人交表後會收到印有申請書編號的通知信,白表W字頭, 綠表G字頭,”申請書編號”最後兩位數字就係你既分組號碼,核對結果時以申請書編號的最後兩位數字(i.e. 00-99)對比攪珠結果號碼,揀樓就係根據呢個分組次序由第1組排到第100組,咁就可以大約知道自己有無機會。

參考:出售剩餘居屋單位第七期攪珠結果

要知每個分組有幾多人亦好簡單,當申請期結束後房委會會公佈W&G各有幾多申請人,如果W有1,000人申請,W隊每組就有1,000/100 = 10個申請人;如果G有800人申請,G隊每組就有800/100 = 8個申請人

而最終得出W&G每一組內詳細排名方法就再因應理倫上對房屋需求的急切性訂定:

隊:受清拆計劃影響家庭 i.e. GR > 家有長者i.e. GE > 家庭i.e. GF > 受清拆計劃影響家庭單身i.e. GRS > 單身i.e. GS
W隊:家有長者i.e. WE > 核心家庭 WF > 非核心家庭i.e. WNF > 單身i.e. WS

而比較特別係受清拆計劃影響家庭申請名單無論抽中邊一組都係一定會比所有人優先揀樓,幫佢地分組係多餘的! e.g. 20個受清拆計劃影響家庭,就一定優先佔據該期計劃首1-20名揀樓。而受清拆計劃影響單人申請名單就一定係所有單身名單最早。

而每次抽居屋W&G都會有一個單位比例,e.g. 6:4,排列揀樓次序時,每排10個名單就會G隊抽6個,W隊抽4個,直到是但一邊無晒人就由另一邊既人補上。決定最後得出黎既揀樓次序如下:

– 假設受清拆計劃影響家庭已揀好晒;揀樓比例6:4;每場揀樓20人;呢期GE申請人得5個;GF20個;WE10個;WF100個

第一場:
第1-20名:[(GE x 5) + (WE x 8) ]+ (GF x 7)
此場綠表有12個名額,白表只有8個名額,其中先由GE #1-5排頭,GF #1-7因沒有老人而要排係WE #1-8後面

第二場:
第1-20 名:(WE x 2)  + (GFx12)  + (WF x 6)

由於第一場已用晒GE,所以先用埋最後兩個WE,然後根據6:4比有12個GF,淨返6個白表quota就由WF頂上

 

*原本第一場既人如果揀唔到,亦可以選擇第二場再去,所以原本第二場排第一都未必最先揀

*單身申請者係最後一批獲安排揀樓,所以即使單身申請抽中第一組都好大機會無份揀e.g. 呢期居屋共14,200份申請書,如果有10,000個係家庭,就算單身排第一都只不過係第10,001個去揀。


 

房委會曾經上立法會解釋過揀樓次序:

立法會十四題:居者有其屋計劃的選樓次序

iMrfKxOEAbieUjbfrVs7uHEEouu

 

上圖取自高登,制圖者應該係以我段文字為基礎以圖像解讀,佢做咗我一直想做又未做嘅工作,感謝!如製圖者反對我使用上面2張圖,請通知我立即删除!


 

房屋署再次解釋「出售居者有其屋計劃單位2014」選樓次序

http://www.info.gov.hk/gia/general/201504/02/P201504020816.htm

房屋署經攪珠訂定「出售居者有其屋計劃(居屋)單位2014」的選樓先後次序後,已經於三月二十七日在各屋鸷辦事處和香港房屋委員會(房委會)/房 屋署網頁,按綠表和白表申請人的編號,公布了兩份約共十三萬五千位申請人的初步選樓次序名單。該兩份名單經公布後,傳媒反映有申請人對選樓先後次序有不明 之處,房屋署發言人今日(四月二日)回應如下:

房委會資助房屋小組委員會在二○一四年十一月通過,在任何受房委會公屋清拆計劃影響的 家庭申請人選樓後,普通綠表和白表申請人會按3:2的比例選樓,而參加「家有長者優先選樓計劃」的家庭比其他家庭類別優先,家庭住戶又較一人住戶優先選 樓。同一類別的申請人則按攪珠結果和其後電腦的編排,訂定選樓的次序。有關內容亦已詳列在居屋申請須知「配額分配及選樓次序」之內。

根據此項安排,每五位申請人的選樓次序依次為:首三位普通綠表申請人,然後是首兩位白表申請人;如此類推。各類別申請人的選樓次序和申請人數見附件。舉例 來說,由於今期居屋申請之中,參加「家有長者優先選樓計劃」的綠表家庭和「家有長者優先選樓計劃」的白表核心家庭分別約有3,600個和3,100個,因 此,以「其他家庭」類別提出的申請人,他們的選樓次序均排在「家有長者優先選樓計劃」的申請之後。

房屋署現正按既定程序,就攪珠後公布的選樓次序逐一詳細審核每一份申請表。經審核後,申請人可能會因未符合資格而被取消申請。申請人亦可能會因為申請表上的資料有誤或申請資格有變等因素而調整至較低的選樓次序。

房屋署在稍後會分批發信邀請合資格申請人於五月初開始前往樂富的居屋銷售小組選購單位。有關申請人會在選樓前七日獲發信通知前往選樓。

2015年4月2日(星期四)
香港時間19時35分


 

揀樓程序 (from 香討):

申請人需要在預定時間進入等候室內坐(一般可以在30分鐘前進入, 10:00場可以在9:30進入), 申請人應該利用這段時間根據電視屏資料排好自己心水, 電視屏下有列明屋苑名稱(同等候室出面唔同, 一部機只會播幾層樓), 建議大家先找出自己希望要的屋苑再集中火力慢慢揀, 30-45分鐘應該好足夠去準備一張10-20個心水單位清單!!

大約10:15 會叫申請人進入揀樓房看短片[揀樓需知,揀樓房內設有大型幻燈銀冪播放對上一批申請人所揀選樓房資料, 這時候申請人應該從心水單位剔除被揀單位。

睇完片,房署職員叫該場次首批申請人上前坐在揀樓處(在同一揀樓房內),揀樓處只有3個counter,申請人順先後次序每3個被叫出,如果1號機申請人1日未confirm,2號機同3號機都唔能夠confirm。有時亦只可能得一部機,一個一個埋去揀。

由於一場時間只有60分鐘,所以每個申請人平均揀樓時間只有幾分鐘,為了唔妨礙下一位買家,揀樓時間超過5分鐘的申請人會被房署請出去房外慢慢諗,揀好再番入去排過同下一批人一齊買。

揀樓時最多可以2人進入揀樓房,等候室則冇限制

揀完樓之後…

立即去銀行買本票(即首期,,綠表最少5%,白表10%),然後要係指定時限返去房署排隊繳交及辦理手續,如果當日人多/你揀樓時間較後,想慳時間就去銀行前記得影低張揀樓紙再交低俾房署排定隊。辦晒手續時,房署職員會比個律師名單你,呢個名單上既律師可以代表晒你同房署辦手續,你亦可以搵自己律師同房署律師交收。名單上既指定律師會主動聯絡你,講清楚收費內容同手續。私人樓成交期一般都有2個月,居屋就短D,只有6星期,限期前一定要做好樓按,上律師樓簽好正式買賣合約。

樓按

每次出售居屋都會有一班各大銀行既職員係居屋中心門口等客,由於居屋有房署擔保,所以銀行基本上99%都會批,綠表最高按九成半,白表就九成,還款期最長25年,選擇邊間銀行可以自行決定,通常間間個利率都唔會有大分別,睇下個人喜好/有咩禮物/rebate!其實當日最好間間都申請左先,一來會有小禮物,二來佢批左都唔一定選佢。

當你決定左用邊間銀行簽好mortgage offer letter,銀行會問埋你攞律師資料,之後銀行同律師會自己溝通,整好晒文件律師樓就就會call你上律師樓簽正式合約,跟住就等收樓喇。簡單講就係銀行會經你既代表律師交錢俾房署代表律師完成買賣程序。而供樓係由簽正式合約 / 收樓後14日開始供第一期,一定要確保戶口有錢過數,不過通常D銀行做按mortgage 都有少少rebate (~1%)入落你個供款戶口,當係免供一兩個月啦!

費用
1. 選樓當日: 首期(本票)
2. 律師樓簽正式合約 : 律師費(數千)+ 印花稅(以差餉物業估價署既估值)+ 管理費按金(3個月)+  泥頭費


  出售剩餘居屋單位第七期綠表申請表 (407.4 KB, 1 次)
下載此文件請先登入。

  出售剩餘居屋單位第七期綠表申請須知 (505.7 KB, 2 次)
下載此文件請先登入。

  出售剩餘居屋單位第七期白表申請表 (460.3 KB, 1 次)
下載此文件請先登入。

  出售剩餘居屋單位第七期白表申請須知 (757.0 KB, 1 次)
下載此文件請先登入。

  常見問題 -「出售剩餘居屋單位」第7期 (170.4 KB, 1 次)
下載此文件請先登入。