Home » 豬雞-短線遊 » 廣東短線 - 廣州東方賓館 » Part 3 – 初試廣州酒家

Part 3 – 初試廣州酒家

經過一翻努力令愛玲回復笑容,係時候又去食晚飯。坐地鐵去長壽站,目的地係上下九路既廣州酒家,途中見有好多段路都有為左亞運既城市美化工程做緊,廣州政府洗唔少錢!我地去到廣州酒家一開始話冇位,好彩問得兩問3樓岩岩有一台埋單,唔洗點等。但後尾先發現其實1,2樓好景D,下次一定要留意!

 

試左文昌雞(order 左6件,佢黎左12件,淨D俾佢陰到),一件肉連火腿同肝一齊食,口感同味覺都唔錯,但好似無預期中既好。半打蝦餃。。。好搞笑,晚餐會有蝦餃依,但唔好食的,差過平時lunch 既酒樓囉。紫薑炒鴨肉,啖啖肉,正!但愛玲唔食紫薑。。。下次要睇清楚menu。仲有試左個文迷你東瓜”中”,當有啖湯都可以,唔知美心快餐果個好定佢好。。。。有機會要比較下。

GZ07

總括黎講,呢間廣州酒家唔岩我地口味,唔係話難食,只係難有下一次囉。

 

食完飯行左一陣街食埋係上下九果間南信雙皮奶就回程返酒店,咩都無買呀,我同愛玲都唔係購物人士,只有食先有吸引力。。。。

GZ08

842 Total Views 1 Views Today

About eddy