Home » 豬雞-短線遊 » 廣東短線 - 廣州東方賓館 » 廣州東方賓館 Part 1

廣州東方賓館 Part 1

28.8.2010

今次北上目的地係即將舉辦亞運既五羊城,亦都算係我半個鄉下,此行唯一見的就係食!出發前一晚先通知屋企人,愛玲仲要講左個大話...

 

星期六先去TKW陪愛玲食左老牛家早餐再過CWB打第3針,然後就返九龍坐東鐵去羅湖轉和諧號直上廣州。唔覺唔覺原來都要成1點鐘先去到深圳,所以預早係上水出一出閘買左兩件cake留返一陣上和諧號食,呢個搭車方法都算係最方便既上廣州架喇,好過坐直通巴或者深圳轉大巴,但係張車飛加左價喇,依家已經要$80人仔,之前係$75人仔,計返要成舊水港幣!睇黎遲下真係唔敢上去消費。

01

和諧號由深圳去廣州只係大約70分鐘,時速百幾公里都開得好穩定,上去瞓一覺就落車,祖國鐵路真係發展得唔錯,雖然價格唔低,但都好多人坐呀,希望快d起好高鐵,咁就可以兩日一夜都再去遠少少玩。2點半到達廣州東站,今次醒左,搵到佢直去地鐵既出口,不過東站都幾舊下喇,好多設施都below standard,政府幾時先肯翻新下佢?!

因為未食lunch既關係,我地首先去搵野食填肚,出發前資料搜集搵到間”炳勝”,出名野有刺身、脆皮叉燒、豆腐。我地坐人山人海既廣州地鐵去石牌橋站(體育西轉1號線),點知我帶錯路去D出口...行左好多樓梯上到地面先知出事!好彩睇返一早預備好既offline map先識得去返B出口!一來一回又用多十幾分鐘。千辛萬苦黎到炳勝門口,一入去都知出事,基本上飯市已經過左...大部分坐係度吹水等埋單。食坐睇果本好大既menu,有唔少都想試下,但得兩個人唔食得多,所以市只打算食d出名野,點知叫果樣冇果樣,d廚師落晒場,冇晒mood啦!但一場黎到又肚餓,點都要食d野,最後試左生魚木耳湯、靈芝肉粒山水豆腐、白灼墨魚仔。

GZ02

睇佢唔出幾樣野都唔錯呀,個湯好多木耳(上左菜先知愛玲唔食),飲落鮮甜,d生魚好彈牙;豆腐就有色但無靈芝味,不過真係好滑,同食豆腐花差唔多架;墨魚仔都好大碟,最搞野係佢果碟醬油原來已經加左wasabi,但愛玲話膽固醇高,唔食咁多,所以都係我食多。呢餐埋單$114人仔,其實唔平架,但係香港未必食到呢個質素囉。

912 Total Views 1 Views Today

About eddy