唐人街（泰文發音：又話啦）係曼谷華人聚集既地方，入到去會見到好多中文，份外有親切感，而對中外遊客黎講係一個十分有特色既地方。又話啦最吸引人係入夜後既小食同夜市，其中呢一間T & K係十分受港台旅客追捧既食海鮮地點，一到夜晚佢就會估用街邊位置開檔，食客不絕。

2008年黎完一次，今年亦決定再黎幫襯。食左燒大頭蝦，東陰公，飛天通菜，生蠔，咖哩炒蟹，生蝦。。。兩個人捧住個肚走。食既係香港廿年前既大排檔街邊風味，一餐飯時間已經有幾輪街頭叫化問你攞錢，接受唔到會食得唔開心。今次刻意影左幾版menu，因為感覺上價錢上升左，睇落已經接近siam區既中檔餐廳，如果再加價就唔會再食了。曼谷咁多特色餐館，既然都係搭的士先去到，點解唔去試下其他？