肥雞．肉丸．手拖手．到老
Gelato Mochi
行完Emporium Bangkok 既supermarket 買既甜品，平香港一半，其實唔知同平時食既雪糕X米池有何分別（除左口味多）。我地坐係supermarket 門口食左先走，由朝食到晚，爆quota…估計重左1 lb。
| 列印文章 |
尚無留言。
尚無 trackbacks 。
東莞嘉華大酒店 Day1
大約 1 個月前 - 尚無留言
24-7-2010 再次北上消費，好彩之前換多左人仔，感覺上返上去玩好似唔洗點洗錢！難得細妹有星期六日孖day，打去發達行買左set 合家歡套票$736，都好抵玩呀！ 酒店套票內容包括(２位) 1) 雙人豪華客房１間１晚 2) 西式自助早餐 3) 日本料理 / 西式美食自助晚餐(選其一) 4) 享用花園露天泳池、室內恆溫泳池 5) 健身室及任玩乒乓球 6) 夜總會主題歌舞SHOW及飲品一杯 星期六細妹考完attitude test 係又一城會合，食完KFC就去羅湖坐東莞厚街線大巴出發，RMB45 / 位，有少少塞車呀，到左厚街打的$15去酒店，去到酒店都差唔多6 點，大堂好grand呀！！比上次太子酒店更好，原本派房係A座1813，開門入到去樣樣都好okay，但一睇窗景就。。。shit！原來18/F咁岩高主樓一層，一望出去就係主樓既天台，淨係見到Ｄ水塔同冷氣！細妹對此十分不滿，我就打落去front desk要求換房，間酒店既staff 都好helpful，叫我地係房等一陣，好快就有人上黎換左間1812，今次望街景，對面有間24 hrs M記，好好多啦。。起碼開揚Ｄ！房入面基本野有齊，個廁所好大呀，house keeping 都做得好有水準，我地出去食完飯上返樓就已經有人黎擺好左對拖鞋備用，十分貼心呀！唯一唔夠好就係熱水唔夠熱，不過夏天冇咩所謂啦～ 套票包左既dinner buffet 可以日式／西式，上網見人話日式好，咁當然係日式啦！佢地日式餐係要去返主樓9/F既"季花日本料理"佢有自助食物吧可以隨便拎，又有個menu 俾你點野食，由冷盤到SabuSabu都有得供應，食物種類都唔少架，每人仲可以係個main course menu 點一樣鐵板燒食物，而且味道都幾okay，好過香港果Ｄ放題啦！不過可能我地比較遲上去呀，有好多野都冇擺出黎（但去到尾聲又出返Ｄ好野出黎），而且又有一團星級假期既團友企係Ｄ師傅仔面前等野食，搞到成個場cheap晒，而且本身個廚房食物出得慢，搞到扣晒分呀！如果冇左呢團人，肯定食得開心好多呀！如果佢有太子酒店既出菜效率就100分囉！ 食完飯九點幾去左3/F既法魯王night club，本來以為好似太子酒店果咁有表演睇，點知得幾個卡啦蘇唱歌。。。而且呢間真係night club，好多出黎賣既女，有鬼佬落黎搵lady，有Ｄ就帶埋女黎飲酒。。。。有間房前前後後有4/5班女入過去俾Ｄ老細選女伴，同拍戲一樣呀。。。細妹睇得好開心。。。難得一次去呢Ｄ地方見識下，不過真係冇下次。。。飲左杯送既可樂，睇左陣女就返上房了。。。
Zanotti ‘Il Ristorante Bangkok
大約 2 個月前 - 尚無留言
位於Soi Saladaeng，同上一篇講過既Aubergine同一條街，聽講係泰國最佳西餐前三名，裝修同環境都舒適，對遊客黎講價格亦合理。眼見好多食客都係上等人，反而我地就好便服喇，不過唔會覺得有咩失禮，因為如果俾錢食飯仲要覺得自己低人一等果Ｄ先叫失禮！佢地Ｄ servant 睇得出個個都well trained，做每個動作都好細心，呢個level 既服務香港唔知去邊間5星米芝蓮先會有喇。如果有機會多幾個人去，值得嘗回味架！ 21/1 1st Floor, Saladaeng Colonnade Condominium,Saladaeng Rd, Silom http://www.zanottigroup.com 電話：66 2 636-0002 （有心食就最好book定位，佢門口好多蚊，等位一定大出血！！） 我地2個人試左個Parm ham pizza，好多超香芝士好多美味ham，味道9分價錢係pizza hut 咋！可惜portion 對我地黎講太大喇，最後要take away~ 無記錯仲試左個意粉同cake，質素都係上上之選！但遺憾既係佢唔俾我地影相，攪到我唔記得晒喇，想寫多幾句都唔得。。。呢一樣係令人最唔高興既野！ 想睇多Ｄ既可以睇下呢個台灣既blog, 唔知點解佢可以影左好多相。。。 http://blog.yam.com/yado/article/13639568
行程計劃篇
大約 2 個月前 - 尚無留言
Flight: FD3713@1045, FD3562@1630 Hotel: The Heritage Bangkok / FuramaXclusive Sathorn 泰國手提：1507 66 85917 1168 & 82448-3167; 入境處: 852 1868；大使館: (66) 81821 4771 Mama Travel – 144 Khao San Rd Tel : 02-6291163,02-6291045 mamatour1@hotmail.com CNR : cnr@cnrtravel.com Tel. 66 2 284 3799 16/6/2010Day 1 (Wednesday) 08.45: HK Airport (T2 check in) 13.30:
Aubergine Bangkok
大約 2 個月前 - 尚無留言
曼谷作為泰國首都、旅遊城市，當然唔會日日食泰國菜，曼谷有唔少高級餐廳俾曼谷人或耆註泰外國人一嘗非泰口味，對當地平民黎講當然要望門輕嘆，但始終曼谷生活指數比香港低，與香港同一個grade既餐廳價錢往往相差幾倍，今次我地兩個香港平民就去左呢一間旅遊書有介紹既法國餐廳試一試。 Aubergine Restaurant, Bar & Terrace, Tel: (662) 234 2226 71/1 Saladaeng Road, Soi 1/1 (Map) 星期一至六：11:30 – 22:30 (星期日休息)當日係26/11，係細妹既生日，我地上午去完一個無下次景點（呵多哥街市）就搭BTS到SALA DAENG，由於地圖比例唔多好，而且佢本身位置都幾偏離大路，所以用左唔少時間（十幾分鐘）先搵到佢。去到已經一點幾，當地人lunch 時間都過左，我地係最後一台lunch 客（本來有另一對男女想入黎食，但入到門口又走左），餐廳除左我地外得另外一台自稱香港傳媒人既客。平民既我地當然係食set lunch ( 散叫好貴），一人一個4 course set, 490Bath ++位，其實佢地有3 course平100Bath ，但C/P當然係4 course 高啦！我地個set 有沙拉、餐酒（白／紅）、主菜、甜品同埋coffee/tea！每一道菜都睇得出十分精緻，由其係甜品同個湯可觀性十分高！點菜既時候侍應有問必答，大家用有限既英文對答都okay, 我地問佢其中一個湯係咩黎，佢竟然去廚房拎埋出黎俾我地睇！！阿Chief仲出過黎問我地Ｄ野食好唔好味，如果鍾意同鬼佬吹飲食都應該有排吹。 總扎括黎講，我呢個老土怪覺得味道唔特別。。。明顯呢Ｄ地方係食環境同感覺，所以我呢Ｄ鍾意大吸啖啖既人唔識欣賞。但睇得出呢間餐廳真係好野留黎架，值得一推！！
唐人街 T & K Seafood
大約 3 個月前 - 尚無留言
唐人街（泰文發音：又話啦）係曼谷華人聚集既地方，入到去會見到好多中文，份外有親切感，而對中外遊客黎講係一個十分有特色既地方。又話啦最吸引人係入夜後既小食同夜市，其中呢一間T & K係十分受港台旅客追捧既食海鮮地點，一到夜晚佢就會估用街邊位置開檔，食客不絕。 2008年黎完一次，今年亦決定再黎幫襯。食左燒大頭蝦，東陰公，飛天通菜，生蠔，咖哩炒蟹，生蝦。。。兩個人捧住個肚走。食既係香港廿年前既大排檔街邊風味，一餐飯時間已經有幾輪街頭叫化問你攞錢，接受唔到會食得唔開心。今次刻意影左幾版menu，因為感覺上價錢上升左，睇落已經接近siam區既中檔餐廳，如果再加價就唔會再食了。曼谷咁多特色餐館，既然都係搭的士先去到，點解唔去試下其他？
The Heritage Bangkok
大約 3 個月前 - 尚無留言
原本Accor Super Sale book 左 Pullman , 但後尾出現21/5/2010事件, 預計會有大把著數推出, 所以同Pullman 要求refund。 依家睇到呢間Heritage Bangkok 有promotion, 1200B / night with 早餐, 為返港幣都唔洗$300, 上年都有諗過呢間，當時opening promotion 都要成1800B，今次平成咁樣， 當然係唔係都留個名先啦… 去唔去又另一回事喇! 酒店位置： BTS Chong Nosi 出站後步行3分鐘 電話：(02) 235-2888 Website: www.theheritagebangkok.com 附近食買嘆 : 行10分鐘去到建興 , 10分鐘去到Healtland (Sathorn)
取消6月旅行
大約 3 個月前 - 尚無留言
沒有了Central World, 沒有了BigC, 沒有了Siam Square……….6月的曼谷之旅都係取消啦…想孝順下雙親都咁難！！ Pullman 已經confirm 左退錢，Airasia 就要等6月頭先知有冇得退。0
CORAN Boutigue Spa
大約 3 個月前 - 1 篇留言
CORAN Boutigue Spa Treatment: MONONOKE version 3 Price: each person THB2,000 / 180min (after 50%discount) Reservation Date: 25/11/2009 Reservation Time:14:30 第一次去做呢類treatment，但我同細妹出黎既感覺都幾一般，肯定唔會係愛上左果種，但抱住未試過又想試下既心態當然值得一試！兩個人玩足３個鐘都係HKD1000埋單，香港肯定唔到啦。不過下次都係淨做推油會比較岩我地。 未出發一早就send 左email 去book, 由於佢地位置唔近大路，所以提供左接送服務。2PM係ASOK BTS 果間Robinson Department Store既M記出面等專車黎接我地，司機幾靚仔，車入面好香，一上車已經聞得到。其實呢間野係一間小平房改建，估計老板真係賺死！以前睇過話Thai一個人都係搵萬幾Baht一個月，開呢Ｄspa １個客都洗幾千先出得返黎，真係好搵。 入到去會先換鞋同confirm package, staff 會問你用咩aroma oil, 又會俾份form 你填下簡單資料同要求，我覺得Ｄ技師係主要睇力度果個item only。 等左一陣佢地執好房就可以先去閣樓洗腳，其實真係幾唔習慣比人洗對香腳。然後當然係入房上床搞野啦，過程如下： Green Tea Body Scrub (30min) – 先黎個全身去死皮，真係咩它泥都比佢省走。。。一開始個幾下都有Ｄ痛，但慣左又做咩野。省完會俾時間我地沖個涼，但佢本身係磨沙玻璃，基本上Ｄ係會俾技師睇到自己沖，feel not good! Plai Clay Body Pack (30min) – 保鮮紙包身。。。加埋Ｄ香料焗30分鐘就可以上菜。因為熱熱地，所以好易瞓着。
Mango Tango
大約 4 個月前 - 尚無留言
地址：Siam Square Soi 4 香港沒有分店，但日本已經有。只睇店名就知到同芒果有關，今次去曼谷一共光顧左兩次，分別係Soi 4 分店同CentralWorld分店，坦白講香港許留山都有咁上下質素，但Mango tango 令我印象最深反而係Soi 4 呢間分店既裝修，香港未見過有一間甜品店有佢咁有格調。睇得出係花左唔少心思，店名用得Mango當然係Mango 做logo，推開玻璃門入目係好高既樓底掛左唔少裝飾品，主要係以亮同簡潔為主，牆身鋪左木條油左好多 Mango塗鴉，地台亦係用木條鋪設，整體感覺係高當得黎有活力。但可能當晚客少，冷氣開得比較大，原本可以慢慢坐既感覺冇晒。 功略：先order 比$$，埋位等佢送上台。推薦Mango Sticky Rice，佢menu 冇圖中呢款（好彩細妹識得order），好似要留意下收銀位Ｄ 圖先有。
吉列豬扒 Saboten
大約 4 個月前 - 尚無留言
Saboten 位於CentralWorld旁伊勢丹商場6樓，此店源於日本新宿，落戶曼谷中心購物區，走中高檔路線。當日係旅程第二日，同細妹都唔係好有idea去邊食，加上酒店早餐都飽飽地，所以想搵間簡單Ｄ黎試。當望住CentralWorld 既時候，腦入面就彈出呢間日式吉列豬扒食店。 決定一試！曼谷人都幾搵得$$，一個set lunch 計返港幣約$6-70蚊，但好多人（日本人，本地人都有）食呀，等位未入得去就俾定menu問我地食咩餐，我地一人一個set, 我個豬抄扒set 加大左（其實唔洗加大，因為唔覺得件扒真係有大到囉！）平香港既人吉一半，但質素都有返8成架！芝麻醬都係自已磨，椰菜絲沙律，飯同湯都係任加，仲一客滑滑自製抹茶雪糕做甜品！正！鍾意食炸豬扒既朋友可以一試！
