Ed．Luv．Anson
肥雞．肉丸．手拖手．到老
東莞嘉華大酒店 Day1
七月 26th
再次北上消費，好彩之前換多左人仔，感覺上返上去玩好似唔洗點洗錢！難得細妹有星期六日孖day，打去發達行買左set 合家歡套票$736，都好抵玩呀！
酒店套票內容包括(２位)
1) 雙人豪華客房１間１晚
2) 西式自助早餐
3) 日本料理 / 西式美食自助晚餐(選其一)
4) 享用花園露天泳池、室內恆溫泳池
5) 健身室及任玩乒乓球
6) 夜總會主題歌舞SHOW及飲品一杯
星期六細妹考完attitude test 係又一城會合，食完KFC就去羅湖坐東莞厚街線大巴出發，RMB45 / 位，有少少塞車呀，到左厚街打的$15去酒店，去到酒店都差唔多6 點，大堂好grand呀！！比上次太子酒店更好，原本派房係A座1813，開門入到去樣樣都好okay，但一睇窗景就。。。shit！原來18/F咁岩高主樓一層，一望出去就係主樓既天台，淨係見到Ｄ水塔同冷氣！細妹對此十分不滿，我就打落去front desk要求換房，間酒店既staff 都好helpful，叫我地係房等一陣，好快就有人上黎換左間1812，今次望街景，對面有間24 hrs M記，好好多啦。。起碼開揚Ｄ！房入面基本野有齊，個廁所好大呀，house keeping 都做得好有水準，我地出去食完飯上返樓就已經有人黎擺好左對拖鞋備用，十分貼心呀！唯一唔夠好就係熱水唔夠熱，不過夏天冇咩所謂啦～
申請Cable TV
七月 18th
用左幾年既Netvigator + Now TV 下星期到期，由於佢地冇咩好offer ,而且上網果part 咁多年都仲係6M 。。。今年係時候同佢講再見。早幾個月已經轉左用HKBN $99 100M，玩BT真係兩個世界，而NOW TV 我屋企淨係睇333 & 138 ，問過想keep要幾錢，佢offer buy 1 get 1 free plan,但最低消費$138….好似唔係幾低！一係就淨買138 台都要$54 / 月。。。下個星期準時上黎收機啦唔該！
今日打上去Cable 問價，講價過程如下：……
開波。。。基本plan : $129 x 24 ，合約期內無限搬遷，waive installation & others fee
講講下變左：$129 x 24 送8M 上網
再講講下。。。。變左$129 x 24 送埋8M 上網，再加送頭兩個月成人台任睇 & 3個月每月free 100 mins IDD
為左屋企多幾個台睇，點都要付出＄＄。。。。除左NOW 就得Cable & HKBN TV…HKBN果個冇咩睇。。。。所以都係accept 左cable 個offer…可能驚Ｄ人變心啦，cable 話今晚就有人上黎安裝！如果第日維修都咁有效率就好喇！
Zanotti ‘Il Ristorante Bangkok
七月 4th
位於Soi Saladaeng，同上一篇講過既Aubergine同一條街，聽講係泰國最佳西餐前三名，裝修同環境都舒適，對遊客黎講價格亦合理。眼見好多食客都係上等人，反而我地就好便服喇，不過唔會覺得有咩失禮，因為如果俾錢食飯仲要覺得自己低人一等果Ｄ先叫失禮！佢地Ｄ servant 睇得出個個都well trained，做每個動作都好細心，呢個level 既服務香港唔知去邊間5星米芝蓮先會有喇。如果有機會多幾個人去，值得嘗回味架！
21/1 1st Floor, Saladaeng Colonnade Condominium,Saladaeng Rd, Silom
http://www.zanottigroup.com
電話：66 2 636-0002 （有心食就最好book定位，佢門口好多蚊，等位一定大出血！！）
2010曼谷遊總結
六月 27th
今年去曼谷係第一次帶父母外遊，雖然家姐無份，但就多左個細妹，希望下次可以同埋家姐一家去旅行！
４日3夜既行程本身就唔長，父母都係第一次去泰國，所以都plan 左唔少地方去下，但最後都係事與願違，因為阿爸頂唔順果邊既天氣，所以最後都係商場為主，好彩Ｄ商場未燒晒咋！第一日出發已經delay 左一個鐘，去到酒店check in 完都接近3點，去左Nara 包場食左個lunch + tea 就去行paragon, 之後返完酒店再去食建興。第２日plan 去大皇宮，可惜我死蠢俾人昆左。。。唉！！！！最後阿爸又唔係幾掂，所以行左都唔知有冇2個鐘就跳上的士走人，根本就冇點樣參觀。。。諗住去Emporium 等兩個女人買野，點知竟然白行！！夜晚去左health land foot massage 同Night Bazzar 就算。。。beer garden 位置終於搵到了！！不過下次去應該再見唔到呢個景點。第3日plan 左去Ancient City / Safari World, 但係見阿爸咁樣。。。。點去呢。。。所以只係去左MBK, Siam Square, Siam Discovery, Siam Centre, Siam Paragon…… 全日shopping malls行下食下買下。。。最後一日去多一個景點到此一遊，就係JJ market，行左一陣就要返酒店check out, 不過竟然又買到下野。。。最後順利返港。
整體黎講，旅程都算比預期順利，起碼大家都開心先啦！呢Ｄ家庭旅行真係好難得架。。
鄭汝樺不再否定建居屋
六月 27th
【文匯】（記者 文森）港府正就資助市民置業進行公眾諮詢，運輸及房屋局於昨日舉行集思會，多名立法會議員出席，表態支持復建居屋，建議年供應3,000至5,000個單位，以平衡市場需求。據議員引述，運輸及房屋局局長鄭汝樺並未否定居屋角色，但須考慮日後居屋供應量，以及建屋土地問題。
李華明倡年建5000居屋
運輸及房屋局昨晨舉行集思會，邀請立法會議員就資助置業提供意見，5名出席的議員多數支持復建居屋。立法會議員李華明表示，多數議員建議每年提供3,000至5,000個居屋單位，作為復建居屋的起步，但鄭汝樺卻認為該建議的供應量太少，相對於逾10萬個合資格家庭而言，未必能滿足市場需求。
